ᖁᔭᓐᓇᒦᒃ ᖃᐅᔨᒋᐊᕈᓐᓇᕋᕕᑦ ᑖᔅᓱᒥᖓ ᖃᕋᓴᐅᔭᒃᑯᑦ ᐃᑭᐊᖅᑭᕕᒻᒥ ᐱᔾᔪᑎᓕᓐᓄ ᑲᓇᑕᓕᒫᒥ ᖃᐅᔨᓴᕐᓂᖅ ᔭᒐᐅᖅᑲᔭᐅᔪᓂᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᓄᓇᖃᖅᑳᖅᓯᒪᔪᑦ.

 Homeᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᐱᓐᓇᓇᖅᑑᕗᑦ. ᐃᓕᓴᕆᕈᒪᕙᕗᑦ ᑕᒪᕐᒥᓕᒫᑦ ᖃᑕᙳᑎᒌᑦ ᐊᒻᒪᓗ ᓇᓪᓕᒋᔭᒥᓂᒃ ᕿᒪᒃᑕᐅᓯᒪᔪᑦ ᐅᕝᕙᓘᓐᓃᑦ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᑲᓇᑕᒥ. ᓇᓗᓇᐃᕈᒪᕙᕗᑦ ᐃᑉᐱᒍᓱᑦᑎᐊᕐᓂᕆᔭᕗᑦ ᕿᒪᒃᑕᐅᓚᐅᖅᑎᓪᓗᑎᑦ ᐊᒻᒪᓗ ᖁᔭᓕᕗᒍᑦ ᑕᒪᕐᒥᓕᒫᓄᑦ ᐅᓂᒃᑲᐅᓯᕆᓂᐊᖅᑕᓐᓂᑦ ᓂᕈᐊᖅᓯᒪᔭᔅᓯᓐᓂ ᐅᕙᑦᑎᓐᓄ ᐅᖃᐅᓯᕆᒍᓐᓇᕐᓗᒋᑦ ᕿᓂᖅᑎᓪᓗᓯ ᓱᓕᑦᑎᐊᓂᕐᒥ.

ᐊᓂᒍᖅᑐᓂᑦ ᑕᖅᑭᓂᑦ ᖃᑦᑎᐅᔪᓂ ᑲᔪᓯᓂᖃᑦᑎᐊᕈᑎᒋᓯᒪᕙᕗᑦ ᖃᓄᐃᓕᐃᕐᓂᕆᔭᕗᑦ ᖃᓄᖅ ᐱᐅᓛᒃᑯᑦ ᑲᔪᓯᒃᑯᓐᓂᕈᓐᓇᕐᒪᖔᖅ ᑲᓇᑕᓕᒫᒥ ᖃᐅᔨᓴᕐᓂᖅ. ᑐᕌᒐᕗᑦ ᐃᓕᒃᑲᓐᓂᕈᒪᓪᓗᑕ ᓱᓕᓂᖓᓂᑦ ᑕᐃᒃᑯᐊ ᐃᖅᑲᐅᒪᒋᑦᑎᐊᕐᓗᒋᑦ ᐃᓅᓯᕆᔭᐅᓚᐅᖅᑐᑦ ᐊᒻᒪᓗ ᖃᓄᐃᓕᐅᕐᓂᐅᓯᒪᔪᑦ ᓄᓇᖃᖅᑳᖅᓯᒪᔪᓂᑦ ᐊᕐᓇᓂ ᐊᒻᒪᓗ ᓂᕕᐊᖅᓯᐊᓂ. ᑖᓐᓇ ᐱᖓᓱᐃᓕᖅᑲᖓᔪᓂᑦ ᑐᕌᒐᖃᖅᑯᖅ:

  1. ᓇᓂᓯᓂᖅ ᓱᓕᔪᒥᒃ
  2. ᐱᒃᑯᒋᔭᖃᕐᓂᖅ ᓱᓕᔪᒥᒃ
  3. ᐃᓅᓯᖅᑖᖅᑎᑦᑎᓂᖅ ᓱᓕᔪᒥᒃ ᒪᒥᓴᕈᑕᐅᕙᓪᓕᐊᓗᓂ

ᕿᒥᕐᕈᓂᖃᖅᑎᓪᓗᑕ ᖃᓄᐃᒍᑎᓂᑦ ᐱᔾᔪᑕᐅᔪᓂᑦ ᖃᓄᐃᑦᑐᑐᐃᓐᓇᓕᒫᖅᑎᒍᑦ ᐋᓐᓂᖅᑎᕆᒍᑕᐅᔪᓂᑦ ᑕᐃᒃᑯᓄᖓ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ, ᓯᕗᓪᓕᐅᑎᔭᕗᑦ ᖃᑕᙳᑎᒌᑦ. ᐱᓇᓱᐊᒐᕆᓪᕆᒃᑕᕗᑦ ᓱᓕᔪᖅᓴᓂᖅ, ᒪᑐᐃᖓᑦᑎᐊᑦᓂᖅ, ᐱᒃᑯᒋᔭᖃᑦᑎᐊᑦᓂᖅ, ᐱᓇᓱᐊᕐᓂᖅ, ᑕᒪᒃᑮᓕᖅᑎᑦᑎᓂᖅ ᐊᒻᒪᓗ ᐃᑉᐱᒍᓱᑦᑎᐊᕐᓂᖅ. ᓱᓕᔪᒥᒃ ᕿᓂᖅᑯᒍᑦ ᑕᐃᒃᑯᓄᖓ ᔭᒐᐅᖅᑲᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᓄᓇᖃᖅᑳᖅᓯᒪᔪᑦ −ᐱᒻᒪᕆᐅᓂᖅᓴᒃᑯᑦ− ᑎᒍᒥᐊᕐᓂᖃᑦᑎᐊᖅᑐᑕ ᐊᕐᓇᓂ ᐊᒻᒪᓗ ᓂᕕᐊᖅᓯᐊᓂ. ᑐᕌᒐᕆᕙᕗᑦ ᑖᒃᑯᐊ ᐊᑐᐃᓐᓇᐅᑎᒍᓐᓇᕐᓗᒋᑦ ᐅᓂᒃᑳᖅᑕᐅᓯᒪᔪᑦ ᐃᓕᖅᑯᓯᒃᑯᑦ ᐊᑦᑕᓇᙱᑦᑎᐊᖅᑐᒥ ᐱᕕᖃᕐᓗᓂ ᐅᐸᒍᓐᓇᑎᐊᖅᑕᖏᓐᓄ ᐃᑲᔪᖅᓱᖅᑕᐅᑦᑎᐊᕈᓐᓇᕐᓗᑎ. ᐃᖅᑲᓇᐃᔮᕗᑦ ᐊᑦᑐᐃᓂᖃᖅᑯ ᓄᓇᒧᑦ ᐊᒻᒪᓗ ᑐᙵᕕᖃᖅᑐᑎᒃ ᐱᖅᑯᓯᑐᖃᒃᑯᑦ ᑖᒃᑯᓂᖓ ᓴᙱᓂᖃᕈᑕᐅᓯᒪᓕᖅᑐᓄᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐊᕐᕌᒍᓂᑦ ᐊᒥᓱᒻᒪᕆᐅᔪᓂᑦ.


ᐊᑏ ᖃᐅᔨᒪᒋᐊᕆᑦ ᑖᓐᓇ ᓯᕗᓪᓕᖅᐸᐅᓪᓗᓂ ᓴᖅᑭᑕᐅᕗᖅ ᖃᕋᓴᐅᔭᒃᑯᑦ ᐃᑭᐊᖅᑭᕕᑦᑎᓐᓄᑦ. ᓴᖅᑭᑐᖃᖅᐸᓪᓕᐊᓂᐊᖅᑯᖅ ᑐᑭᓯᒋᐊᕈᑎᔅᓴᑲᓐᓂᐅᔪᓂᒃ ᐱᕙᓪᓕᐊᓂᖃᖅᑎᓪᓗᑕ ᐃᖅᑲᓇᐃᔮᑦᑎᓐᓂ.