ᑲᓇᑕᓕᒫᒥ ᖃᐅᔨᓴᕐᓂᖅ ᔭᒐᐅᖅᑲᔭᐅᔪᓂᑦ ᐊᒻᒪᓗ ᐃᓄᐊᖅᑕᐅᓯᒪᔪᓂᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ

About Usᑭᐅᔪᑎᒋᓪᓗᒍ ᐱᕙᓪᓕᐊᓂᖃᖁᔭᐅᓯᒪᔪᓂᑦ ᑖᒃᑯᓇᙵᑦ ᓄᓇᖃᖅᑳᖅᓯᒪᔪᑦ ᖃᑕᙳᑎᖏᓐᓂ, ᓄᓇᓕᒋᔭᖏᓐᓂ ᐊᒻᒪᓗ ᑲᑐᔾᔨᖃᑎᒌᖏᓐᓂ, ᐱᖃᓯᐅᑎᓪᓗᒋᑦ ᒐᕙᒪᒃᑯᓃᙶᖏᑦᑐᑦ ᐊᒻᒪᓗ ᓇᒥᑐᐃᓐᓇᖅ ᑲᑐᔾᔨᖃᑎᒌᓂᑦ, ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᑦ ᓴᖅᑭᑎᑦᑎᓚᐅᖅᑯᑦ ᐃᒻᒥᑰᖓᔪᒥ ᑲᓇᑕᓕᒫᒥ ᖃᐅᔨᓴᕐᓂᕐᒥᑦ ᔭᒐᐅᖅᑲᔭᐅᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᓯᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᑕᐃᑲᒥ ᓯᑎᐱᕆ 2016.

ᑖᒃᑯᐊ ᑲᓇᑕᓕᒫᒥ ᖃᐅᔨᓴᕐᓂᐅᔪᑦ ᔭᒐᐅᖅᑲᔭᐅᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ, ᐋᖅᑭᓱᖅᓯᓂᖃᖅᑯᖅ ᑕᓪᓕᒪᓂᑦ ᑲᒥᓯᓇᐅᔪᓂᑦ ᑲᓇᑕᓕᒫᕐᓂᖔᖅᓯᒪᔪᓂᑦ, ᐃᒻᒥᑰᖅᑯ ᑕᒪᐃᓐᓂᑦ ᒐᕙᒪᑐᖃᒃᑯᓐᓂᑦ ᐊᒻᒪᓗ ᐊᒡᒍᑐᖅᓯᒪᔪᓂᑦ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᖏᓐᓂ ᐊᒻᒪᓗ ᐃᖅᑲᖅᑐᐃᕕᓕᕆᓂᕐᒧᑦ ᑯᐊᐳᕇᓴᕆᔭᖏᓐᓂ. ᑖᒃᑯᐊ ᑲᒥᓯᓇᐃᑦ ᑐᕌᒐᕆᔭᖏᑦ ᑲᒪᒋᔭᖃᕐᓂᐊᕐᓗᑎᒃ ᖃᐅᔨᓴᕐᓂᕐᒥᑦ ᐊᒻᒪᓗ ᐅᓂᒃᑳᓕᐅᕐᓂᕐᒥᑦ ᐱᔾᔪᑕᐅᓪᓗᐊᑕᖅᑐᓂᑦ ᖃᓄᐃᑦᑐᑐᐃᓐᓇᓕᒫᑎᒍᑦ ᐋᓐᓂᖅᑎᕆᒍᑕᐅᔪᓂᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓄᑦ ᐊᒻᒪᓗ ᓂᕕᐊᖅᓯᐊᖏᓐᓄᑦ ᑲᓇᑕᒥ ᕿᒥᕐᕈᑎᖃᕐᓗᑎᑦ ᖃᓄᐃᓕᐅᖓᓂᕆᔭᖏᓐᓂᑦ ᐊᒻᒪᓗ ᓇᓗᓇᐃᖅᓱᐃᓗᑎᑦ ᐱᔾᔪᑎᐅᔪᓂᑦ.

ᑖᓐᓇ ᖃᕋᓴᐅᔭᑎᒍᑦ ᐃᑭᐊᖅᑭᕕᒃ ᑲᓇᑕᓕᒫᒥ ᖃᐅᔨᓴᕐᓂᕐᒥᑦ ᖃᕋᓴᐅᑎᒍᑦ ᑐᕌᒐᓪᓗᐊᑕᐅᕗᖅ. ᑕᒪᕐᒥᓕᒫᑦ ᑐᓴᕋᔅᓴᐃᑦ ᐊᒻᒪᓗ ᑐᑭᓯᒋᐊᕈᑎᔅᓴᐃᑦ ᓴᖅᑭᖅᑕᐅᔪᑦ ᑲᒥᓯᓇᓄᑦ ᐅᖃᓕᒫᒐᓕᐊᖑᓂᐊᖅᑯᑦ ᑕᕝᕘᓇ ᐊᑐᐃᓐᓇᕈᖅᐸᓪᓕᐊᓂᖏᑎᒍᑦ. ᐊᑏ ᑖᓐᓇ ᒪᑉᐱᒐᖅ ᖃᐅᔨᒋᐊᕐᕕᒋᓪᓗᐊᑕᖃᑦᑕᕈᑦ ᖃᓄᐃᑦᑐᑐᐃᓐᓇᕐᓄᑦ ᐅᓪᓗᒥᒨᖓᔪᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑏ ᖃᐅᔨᒋᐊᕐᕕᒋᒍᒃ ᑲᓇᑕᓕᒫᒥ ᖃᐅᔨᓴᕐᓂᖅ ᔭᒐᐅᖅᑲᔭᐅᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ ᑕᐃᑲᓂ ᑲᓇᑕᒥ ᒐᕙᒪᒃᑯᑦ ᐃᑭᐊᖅᑭᕕᖓᓂ.